അവശത മൂലം സർവ്വീസിൽ നിന്ന് വിരമിക്കുന്നവർക്കും, 60 വയസ്സ് പൂർത്തിയാക്കി സർവ്വീസിൽ നിന്നും വിരമിക്കുന്നവർക്കും ,ടിയാളുകളുടെ പേരിൽ ഫണ്ടിലുള്ള മുഴുവൻ തുകയും സർക്കാർ നിശ്ചയിക്കുന്ന പലിശയും കൂടി ഉൾപ്പെടുത്തി തുക മടക്കി നൽകുന്നു. സ്വയം പിരിഞ്ഞ് പോകുന്നവരുടെ പ്രോവിഡന്റ് ഫണ്ട് അക്കൗണ്ടില്‍ നിന്ന് പദ്ധതിപ്രകാരം തുക കണ്ടുകെട്ടൽ നടത്തിയതിനുശേഷമുള്ള തുകയും അനുവദിക്കുന്നു.

ഒരു വർഷത്തിൽ കുറയാത്ത തുടർച്ചയായ സേവനം പൂർത്തിയായവർക്ക് ഗ്രാറ്റുവിറ്റിക്ക് അർഹതയുണ്ട്. തൊഴിലാളികളുടെ സർവ്വീസ് അടിസ്ഥാനപ്പെടുത്തി ഗ്രാറ്റുവിറ്റി നൽകി വരുന്നു.(വിരമിക്കൽ/സ്വയം പിരിഞ്ഞ് പോകൽ/മരണം).

മരണമടഞ്ഞ പെൻഷണറുടെ ആശ്രിതർക്ക് പെൻഷൻ തുകയുടെ 50% തുക കുടുംബപെൻഷനായി അനുവദിക്കുന്നു.

തുടർച്ചയായ 10 വർഷ സർവ്വീസും, 60 വയസ്സ് പൂർത്തിയാക്കി വിരമിക്കുന്ന തൊഴിലാളികൾക്ക് നിധിയിൽ നിന്നും പെൻഷനുള്ള അർഹതയുണ്ട്. മിനിമം പെൻഷൻ 2000/-രൂപയും, 10 വർഷത്തിൽ കൂടുതലുള്ള ഓരോ അധിക വർഷത്തിനും 100/-രൂപ വർദ്ധനവ് നൽകി പരമാവധി 5000/-രൂപ വരെ നൽകി വരുന്നു.